O aceite é un dos produtos máis contaminantes que existen e pode producir graves danos nos ecosistemas. Se nos desfacemos do aceite usado en casa de xeito correcto:

• Evitaremos obstrucións nas tubaxes. Os aceites usados, ao unirse con restos de deterxentes e xabóns, forman bólas de graxa que atascan os colectores.
• Impediremos a proliferación de bacterias e malos olores.
• Faremos máis eficaz a depuración de augas residuais.
• Colaboraremos na reciclaxe dun residuo para convertelo en biocombustible.
• Apoiaremos unha iniciativa medioambiental e social no noso municipio.

Os establecementos de hostalería, que manexan cantidades moi grandes de aceite, contan con depósitos axeitados onde almacenalo para a súa recollida por empresas autorizadas que o transportan ao lugar de tratamento.